Ich finds scho hammer, dasmer so es Boot hend :)
Die nechste Täg simmer chli am Strand go bade und d Läde Downtown go wiiter uskundschafte und viiiiiiel Glace esse. Am Mittwuch Abig hemmer s Orientation- Meeting vo EF gha und es isch soo langwilig gsi, willmer eh alles scho tusig mal ghert hend. Nur de letzti Teil wommer hend chene mit de anderne Ustuschschüeler rede, isch cool gsi :)
Am Dunnstig simmer scho früeh uf, zum uf Detroit fahre und s Baseball-game luege. Drum hemmer ned chene id Schuel zum de Stundeplan go abhole.. S Spiel isch würklich intressant und eich nie langwilig gsi, obwohls 3 Stunde gange isch. Ich han zwar d Regle immer nanig ganz chekt, aber naja :P
Nachher simmer na de Liz ihres noie Huus go aluege und denn de Lauren ihres noie Apartment in East Lansing. Jetz isch niemert meh dehei :( Aber es isch trotzdem immer chli ebbis los... Gester hemmer welle mal en Sunneuntergang gseh, sind aber leider chli zspat cho. Sisch aber glich wunderschön gsi. Denn hemmer namal d Musical Fountain gseh und ich finds eifach immer wieder schön!
Hüt simmer au wieder mitem Boot use und morn gemmer namal, nach de Chile. Und wemmer Glück hend, chememer en Platz über und d Anna und ich chend vom Suntig uf de Mäntig ufem Boot übernachte. Das wer ziemlich cool :) Ich sett glaubs mal go schlafe, muen morn am 8i uuf. Meld mich denn wieder ;)
Musical Fountain mit immer noie Lieder und alles... Und überem Wasser ischs mega faszinierend. Bis d Schuel afangt spieltsie jede Abig.
