My High School Year in the USA :D: September 2013

So... Scho die dritti Schuelwuche. Die Ziit gaht wahnsinnig schnell verbi. Letzte Fritig bini am GH Footballspiel mit de Arianna gsi und es sich so unglaublich chalt gsi. Ich bin chli enttüscht vo oisne Cheerleader gsi, will die mit Trainerhose dete gsi sind, während de Gegner ihri tapfer mit ihrne churze Röckli usgharrt hend... Am Samstig morge simmer denn scho früeh uf und uf East Lansing für s nechste Footballspiel gfahre. Dete hemmer d Lauren troffe und zumne Art Picnic, es isch sehr luschtig gsi und es het viel feins Esse gha. :) Am 2 het denn s Footballspiel Michigan State- Youngstown (Ohio) agfange. Da d Lauren ja ide Michigan State Uni isch, hemmer chene in Student Sector, was echt total toll gsi isch. All sind voll am aführe gsi und es isch eifach riesigs Stadium - 75'000 Lüt hend drinn Platz! Und all sind Grün- Wiis, d Statefarbe, agleid gsi. Au ich natürlich (d Mary het mier und de Anna e uswahl us ihrne Sache geh ;))

Da simmer grad es Spieli am spiele ;)
Das Rechts isch de Ed.

Bi dene Spiel merktmer eifach so richtig was Amerika isch :D
Mer sind denn na go Pizza esse und denn wieder hei. Todmüed grad is Bett go schlafe. Am Sunntig namittag hend mich d Arianna und ihri Gastmueter abgholt zum is Open House vo Dance Revolution gah. -Wo ich Hiphop stunde neh wird. Mer sind aber ei Stund zfrüeh gsi ^^. Uf jede Fall bini etz agmeldet und morn hani mini erst Hiphop stund. :P Mal luege wienich mich schlah wird ^^ Am Abig sind denn no de Ed, Carin & ihre Sohn Logan verbi cho. Ed& Carin sind au am "Picnic" gsi und sie hend gfunde mer müend ihre Sohn na kennelhre. Er isch mit mir in American History.
Ide Schuel isch alles Tiptop, han ja jetz Mathi zu Sociology gwechslet und ja :) In ESL machmer ned wükli ebbis aber wie au immer. De Lehrer isch hammer :) Nach de Schuel startet die Wuche d Clubs. So bini hüt im Geology Club gsi, gester im "Calling all Colors" am dunstig isch de Photography Club und am Fritig Ambassador. Hüt am Abig gemmer na a es Konzert und am Dunnstig gahni mit de Arianna go Fuessballspiel vo oisre Schuelmannschaft go luege. So isch also immer ebbis los und es blibt ned würklich viel Ziit für die viele Ufzgi.... Aber ich schlahn mi guet bis jetz: s ersts Bio Quiz erfolgrich it 100% gmeisteret und au ide erste Zeichnig in Art & Design 100 Pünkte becho :D bin ganz erstunt gsi!

Das isch mini ESl Klass :)

und immer schön d Schuel unterstütze - Let's go Bucs! :D

Ich duen immer gern mit mine Liebe dehei Skype! Han oi alli lieb & vermiss oi! <3

Mini Ferie sind ja denn leider scho verbii gsi. Es isch eifach unglaublich wie schnell d Ziit vergaht. Am Fritig Abig simmer as erste Footballspiel vo GH gange. SIe hend voll verlore :( Aber es isch echt en guete Abig gsi. Ich bin mit es parne vode Anna ihrem Cross Country zeme gsi und die sind echt super lieb... Ich han mich scho richtig als Grand Haven Buccaneer gfüühlt :D
Uf jede Fall hanni mich denn am Mäntig morge total ufgregt uf de Weg zum Schuelbus gmacht. Ich bin echt froh gsi hanni d Anna gha und bin ned ganz eso einsam gsi :P Ide Schuel acho hanni ebbe 20 mal versuecht mis Chästli ufmache - erfolglos :( Kei ahnig was mit dem lauft ^^

Das isch na min Stundeplan für das Trimester:

Am 7.45 het denn au scho d Glogge glütet und ich bin i minre erste Stund American History gsesse. D Stunde gend jewils 80 Minute. Uf jede Fall ide erste Stund hemmer eifach sochli vorstelle gmacht und ja. Han denkt ich han na gnueg Ziit zum ebber für de Lunch finde... In Art und Design hemmer eich gar nüt mitenand gredt... Denn ESL: das isch Englisch Second Language und mer sind ebbe 10 Ustuschschüeler und na es par anderi. Det sind d Lüt all mega nett, und es isch total eifach mit dene is Gsprech cho. De Lehrer isch au hammer. Ich froi mich irgendwie immer uf die Stund, obwohl mer ned viel machet. Aber mal chli chille zwüschet dure isch au ned schlecht :D. Denn hanni de ersti Teil Wildlife Biology gha und de Lehrer isch eifach so luschtig. Er het gfunde mer chend während sine Stunde gern schlafe oder esse, solang mer die andre ned störed und lieb zuenand sind ;) Die Stund wird denn unterbroche vom Lunch. Isch chli merkwürdig, aber so isch d Stund ned soooo lang :)
Ich bin denn id Cafeteria und hilflos umegstande zum nach irgendeim bekannte Gsicht usschau halte. Wonich denn endlich d Apolline, e Französischi Usstuschschüelerin gsichtet han, bini total erliechteret zu ihre. Allerding hanni sie und ihri Gastschwester denn wieder verlore... Defür hets es Meitli gha, Riley wo sich mega gfroit het mich ztreffe, will sie isch es Jahr in Dütschland gsi letschts Jahr und ja. Mier zwei sind denn zum Adrian(De Usstuschschüeler us Dütschland wo au i minre ESL Klass isch.) und sim Gastbrüeder anegsesse. Und das isch au für de Rest vode Wuche oisi Gruppe für Lunch gsi. Halt eifach willmer susht niemert kenned. Sie hend denn amigs welle Dütsch rede, und ich hans fast ned chene glaube wie Müeh ich mit Hochdütsch han!
Nachem Lunch hanni Algebra gha und das isch e wiiteri Stund mit Vorstelle gsi :) Ich han zum Glück alli Zimmer gfunde, aber es isch unglaublich wieiel Lüt es het. Mer wir eifach gschobe, sobald mer us em Zimmer usechunt... Wer denkt het ide KZN isches amigs echlin vollgstopft, de het kei Ahnig wies da isch :P Nach de letzte Stund hanni denn de Schuelbus müesse sueche. Isch ned eso eifach gsi mit ebbe 20 Büs. Aber hans denn nacheme Zitli gschafft. Recht erledigt bini denn dehei acho. Ebbe e stund Später bini mit de Mary is Titanic Museum in Grand Rapids. Es isch sehr faszinierend gsi, was sie alles vom Schiff hend chenne rette. Vo Glasfläsche bis zu immerno lesbare Postcharte! Mer hend au es Ticket übercho miteme echte Name vomene Passagier und am Schluss hemmer ufre Lischte chenne luege, ebmer zude Überlebende ghert het. Und d Mary und Ich hend beidi Glück gha :)
Denn simmer go spanisch esse. Es isch eifach köstlich gsi :)

Grand Rapids

De Rescht vode Wuche hemmer denn richtig Schuel gha ^^ obwohl naja, wemmer ide Mathi Stund e viertel Stund drüber diskutiert wiemer am Liebshte d Eier zum Zmorge isst.. :P es isch halt eifach total anderscht. Mengisch ischs echli schwierig mitm Englisch, aber die meisti Ziit hani kei Problem. Ich weiss nur ned wieni Kolege finde sett.. Aber han mi gester etz ebbe für 5 Clubs igschriebe, Mal luege, hoffentlich det...

Gester Abig simmer denn wieder as Footballspiel. Damer Usstuschschüeler sind, chemmer sogar gratis gah :D Ich han wieder die vo letzt mal troffe, aber wonni denn d Arianna gseh han, bini zu ihre. De Adrian, sin Gastbüeder und sini Fründin sind denn auna cho. Zeme hemmer na recht Spass gha. Dasmal hend gunne! Zwar knapp, und ich ha die meisti Zit kein Plan was lauft, aber sie hend gunne und drum isch d Stimmig super gsi. So simmer nachher no id Disco, wo ide Turnhalle stattgfunde het. Es sind soviel Lüt gsi & Bombeheiss! Aber es het total spass gmacht :D

Jetz am Wuchenend hanni nix meh vor...

GH Football :D