Seiten

Samstag, 26. Oktober 2013

Chicago II.

Scho wieder 2 Wuche ume.. S gaht so schnell. Es isch scho Oktober, de erste Schnee hemmer au scho gha... Viel spannends isch eigentlich ned passiert. D Arianna und ich hend viel zeme gmacht, wie Sleepover, Film/Kinotag und is Zumba gemmer au flissig. :D Ich bin so froh isch sie da... Am Dunstig und Fritig die Wuche hemmer kei Schuel gha und d Mary het ois gfregt ebmer namal uf Chicago wend und das hemmer natürlich ned abglehnt ;) Sie het denn gseit mer chend na ebber mitneh und so het d Anna d Apolline und ich d Arianna mitgno. Mer hend 2 wunderschöni Täg gha. S Wetter isch au ziemlich viel besser dasmal gsi ;) Zwar chüeler...



Wommer bi dere riese Bohne gsi sind hemmer eini atroffe, wo mit ois im Camp ide gliche Klass gsi isch. Sie isch in Nebraska. Mengisch isch d Welt scho unendlich chli... Ich mein, so en Zuefall!!! :D


Apolline, Anna, Ich, Arianna


Nach de Bohne simmer is Art Museum und ich han chli Buddha gspielt, willi ja so en Fan bin! xD


Denn simmer uf de Willis Tower. D Sicht isch viel besser gsi ;) und mer hend usegfunde dasmer au Fotis mache chan, ohni z zahle ^^
Am Namittag isch denn shoppe agseit gsi ;)





Am Sunntig simmer nachli me go shoppe und denne Lunch im Hard Rock Cafe :D Nachene ischs au scho wieder hei gange...

Morn gahni ad Halloween Party wo d Sue mini IEC vo EF, organisiert. Ich han mis Kostüm in Chicago kauft. Ich bin en Pirat, ned würklich scary, aber das isch ned d Hauptsach a Halloween, hanni mer sege lah. Bin gspannt uf die Erfahrig da :D 

Vermiss oi alli und denke viel a oi. Küsslis <3

Sonntag, 6. Oktober 2013

Homecomiiiing :D

Sodeli, es isch ja scho wieder es Ziitli vergange.. Die Ziit rennt würklich...
Ich wett mich namal bide Kathi und de Flo für die herzigi Charte bedanke, ich han mich so unglaublich grfroiit! :D
 Letzte Sunntig simmer am ArtPrize in Grand Rapids gsi, wo hunderti vo Künstler ihri Sache dusse usgstellt hend. ES ischs ehr intressant und s Wetter de Hammer gsi. Susht bini nochli go shoppe und as Musical Festival Downtown...












Grand Rapids            




Ide Schuel isch eigentlich de totali Alltag iikehrt und ich han mich na gwunderet, wie schnell ich mich dra gwöhnt han :) Es gfallt mer total :) S luschtigste findi eifach, dassmer esse und schlafe chan, wiemer wett... Da isch doch würkli eine am Bode glege und het gschlafe. D Lehrerin het nedmal ebbis gseit. Ich han au scho parmal es Nickerli gmacht, wills eifach unmöglich isch wachzblibe, wenn all schlafed :P Ich han mini 2 erste Test gha und de eint weissi dasser guet gsi isch :D Die Wuche isch Homecoming week gsi, und mer hend jede Tag es Thema gha, wiemer sich het sölle alegge.
Mäntig: Pijama Tag, Zistig: Tourist, Mittwuch: Color war, Sophomores: wiss, Dunnstig: Disney und Fritig d Schuelfarbe, Blau und Gold ;) Es isch no recht luschtig gsi, au wenns ned all mitgmacht hend.
Am Fritig Namittag hemmer na es Pep Assembly ide Turnhalle gha. Das heisst die ganz Schuel versammlet sich und macht denn echli Zügs. Sersst mal dCheerleader so richtig in Action:



  So werdet die einte für de Ball gfregt ;)

Denn am Fritig S Homecoming Spiel, Simmer echli d Ustuschschüeler zeme gsi, aber es isch so luschtig gsi :)
Nachem Spiel het ois de Logan welle heifahre (es isch so komisch dass de jünger isch als ich, aber scho auto fahrt :P), aber denn hetter gfunde mer selled doch na zu ihm cho. So sind d Anna, de Adrian und ich zu ihm und 2 anderi Kolege mitm Ustuschschüeler us Spanie sind au na cho. Es isch also sehr en gmüetliche Abig gsi und dasmal au überhaupt ned chalt.


Demit ihr mal echli en Idruck vode Marching  Band bechömed, wo bi jedem Game spielt.
s zweite isch d Nationalhymne wo natürlich ned fehle derf. All stönd uf, dreihed sich zude Flagge und loset mit de Hand ufem Herz. Ich finds chli schaad, dassmer ned singt, aber naja :P









Vo links
(ich, Adrian, Helena und Amy)






Und am Samstig denn de Baaaaaaall :) es isch unglaublich, wie de scho Wuche vorher s Thema nummer eis gsi isch. D Buebe hend sich zum Teil so müeh geh zum d Meitli iilade: riese Bluemestrüss, afrage mitm Mikro ide Cafeteria, wie im Film! Ich bin mitm Ustuschschüeler us Japan gange. Zerst simmer zude Riley go Fötelis mache und denn all zeme go Esse. Nachher hanni denn de Masato, (mis "Date":P) troffe und ja mer hend halt chli tanzt und all zeme recht viel Spass gha au wenn de DJ ned de hammer gsi isch. Es isch eifach toll gsi all Lüt us de Schuel ztreffe und sie sind immer voll lieb gsi und hend eim umarmt und so. Mer kennt also ziemlich viel meh als am Afang :) Am halbi 12i isch denn fertig gsi und mer sind hei go schlafe gange ^^...






















Dinner at Applebee's.