- Ich fang also mal vorne a, und zwar vor ebeme emne Monet am 9. Juli wo oise Goodbye- Party gsi isch: d Anna und ich hend zeme ebbe 130 iglade und au mega viel Zuesage gha. Am Abig selber sind denn leider u viel vo dene gar ned cho, und es het mich chli trurig gmacht willich all dene nümm han chene tschüss sege. Mit dene wo cho sind hemmers aber mega guet gha und mer hend gesse, gredt und eifach namal Spass gha. Bises denn as wükliche Ciao sege cho isch und es paar scho es par Trändli vergosse hend... isch aber mega herzig gsi :) mer hend au no so es büechli gmacht wo all ebbis hend chene dri schriebe und das isch echt mega guet gsi :D
da mal d Fötelis vo de Goodbye - Party:
Das isch s Gschänkli vo einre gsi und ich finds eifach mega herzig..... :D Die letzte Täg in Grand Haven sind viel zschnell verbii gange, und ich han gar nimm alles chene mache wasi na han welle :S Ich bin a u viel Abschluss und Graduation - Parties gange und han die Ziit mit de Lüüt eifach na gnosse. Da sind na es par Fötelis dezue:
Am Dunstig genau e Wuche vorem Abflug simmer ja denn uf Virgina fürd Graduation vode Savannah, e Cousine (wonich vorher nanie gseh han) gange. Ehrlich gseit hets mich voll gnervt, will ich wer die letzt Wuche halt viel lieber in GH bliebe zum na alli Lüt gseh und so. Will voll viel hend na ebbis welle mache, aber ich han eifach schlichtweg kei Ziit meh gha ☹ Aber naja bin glich mit :P Uf jedefall simmer am Dunstig 15 Stund gfahre und am Abig spat dete acho. Am Fritig isch denn d Graduation gsi und de Rest vom Tag simmer bidene dehei umeghange... Am Samstig morge isch denn d Mary mit ois fäng uf North Carolina gfahre, wo das Huus isch, wos gmietet hend. Damer d Schlüssel aber erst am Abig hend chene go hole, hemmer de Tag mit umefahre, Lüchtturm aluege und umeluege verbracht... De Sunntig und de Mäntig hemmer denn au endlich a dem Wunderschöne Strand, am Pool und Whirlpool und eifach i dem oberhammer Huus verbracht. Am Zistig hets denn wieder zrugfahre gheisse: 18 Stund. Vällig gstört eich... Aber ja, schlussendlich isches schono guet gsi, will ich han u viel Ziit mit de Anna chene verbringe, und das wer suscht wahrschindlich echli zchurz cho.
Am letzte Mittwuch denn ischs Wetter abartig grusig gsi. Es het sogat Fluetwarnige gha! Darum sind au d Flüger (wie zb am Adrian sine) ned gfloge. Ich han na fertig packt und eifach voll de Stress gha. :p am nächste Tag isch denn abflüge agseit gsi. Es het scho s bitz wetah mis Zimmer wieder so leer gseh :/ Naja denn simmer zum Flughafe und de Flüger het ja eich am 12ii selle uf Chicago gah. Wege Nebel dete isch das aber ned ganz ufgange... D Anna, ihi zwei Kolegine, de Ready und de Adi und ich plus natürlich oisi allne Gastfamilie hend meh oder weniger geduldig gwartet.
Nach mehrere Umbuechige vo Aschlussflüg und Umefragereie hets denn am 4ii au endlich so usgseh als chentemer gli starte. D Anna het aber leider nimm mitchene, will sie kein Aschluss meh gha het. Ihre isch denn gar nümm guet gange und sie hetmer u leid tah. Für mich isch super gsi, will de Ersatz Flug wo ich becho han isch de glich gsi wie am Adrian sine! :D Uf jedefall sind mier denn gange, und bis Chicago isch au alles super gange. Denn dete het oise Aschlussflüger 2 Stund verspötig gha. Nach sehr langem warte hemmer denn endlich chene in Flüger, wos nedmal en Fernseh gha het. Janu, wenigstens hani ebbert zum Gsprächle gha! Nachere witer Stund simmer denn gstartet....
Mit wenig Schlaf und Verspötig simmer denn in Frankfurt acho. Natürlich ufem Flugplatz dusse, so dass ich au schön nomal han derfe dur d Sicherheit. De Bus isch au na grad voll gsi und denn mit 15 verblibebende Minute für min Aschlussflug bini schochli in Stress cho! Am Adrian hanni denn flüchtig tschüss gseit und bide Sicherheit isch natürlich au alles schief gange! Alles het pipst, d Lüt sind super langsam gsi und ich bin fast duredreiht :P Denne bini dur de ganz Flughafe grennt und woni 5 minute zspat bim Gate acho bin, isch dete scho niemert meh gsi.. Ich han gfunde etzt langts denn echt... Aber naja uf jedefall hani denn en noie Flug becho und am abig am 6i (12 Stund verspötet ) hannis denn au na an ZH Flughafe gschafft :D Natürlich ohni mini Koffer, aber am nächste Tag hanni die denn au gha. Aso ja, bi mim erste Flug ganz alei ish so ziemlich alles schief gloffe was het chene schief laufe, aber ich hans gschafft :DDD
Dehei, hed mich mini ganzi Familie empfange und ich han mich riesig gfroit alli gseh.
So, das wers gsi... Etz bini grad wieder chli wehmüetig worde :P
Ahja wasich no afüege wott: de Text woni vorem Ustuschjahr mal postet han: trifft sowas vo zue!!! Ich chents ned besser beschriebe ;)
Und ich schlüsse am mit dem Spruch, wo ich eich au agfange han :
Goodbyes are not for ever, goodbyes are not the end. They simply mean
"I'll miss you, until we'll meet again!"
