Also eigentlich so viel intressants gmacht hani irgendwie ned :P
Am Valentinstag isches wükli echli wie ide Film gsi, mega viel hend so riese Teddys übercho und so :D am Abig simmer go d Basketball Spiel luege, denn ade "Dance" gange, das isch aber esonen Witz gsi wills alles nur die "chline" gsi sind und ned grad viel :P Nachher sind d Amy, d Jaslynn, d Sim und de Niels zu ois go übernachte cho.
Ja suscht ide Schuel isch ned grad soviel gloffe irgendwie... Ich han ja no e Wuche gfählt, willi chrank gsi bin. Bis jetzt hemmer 7 Snowdays gha :) Nechst Wuche sind scho wieder d Exams. Drum hanni jetzt grad nochli viel ztue mit verschiedenigste Essays schriebe und so. Und denn s noie Trimester. Mir chunts echt so vor als het das grad agfange! Sehr verwirrend irgendwie...
Denn hanni scho s Datum für de Heiflug übercho: 17. - 19. Juni. Das mueni etz aber viellicht au no ändere... Denn hanni mer no viel Gedanke gmacht wegeme Früehligssport und ich lueg etz ebs viellicht mit Tennis klappe würd :D
Suscht hanni eifach echli abgmacht und mer hend echli Fotishootings gmacht :D Und ja, ich weiss, scho wieder Strand- Boardwalk Föteli, aber so viel anders zum Fötele gitts irgendwie ned :P
