Springbreak :D

Hallihallöchen :)
Ich bin schochli trurig dassi etzte de Blogitrag schrieb, das heisst nämlich d Springbreak isch scho verbi. Und das scho sitere Wuche!! Es isch so toll gsi :) mer hend u viel gmacht, agluegt und eifach Spass gha.
Am Fritig Morge het mich d Linda am 7ii abgholt und mer sind uf Holland uf de Zug. Nach 3 Stund simmer au scho z Chicago gsi, wommer de Tag verbracht hend. Mer sind zude Bean, zum Navy Pier und chli go shoppe :D

                             

                                                           

Denn am Abig ischs uf de nächst Zug gange. Mer hend so inre mega schöne Lounge chönne warte und denn i de Schlafwage gah. D Kabine sind mega winzig, aber voll gmüetlich gsi. S Esse im Zug isch au ned schlecht gsi. Insgesamt simmer ebbe 18 Stund det drin gsi.

Am Namittag simmer denn in New Orleans gsi und direkt zu oisem gmietete Hüsli gange. Mega herzig! Und ich han mis eigete Zimmer und es grosses Bett gha :D Am Abig simmer denn e Ghost Tour go mache und hend vo all dene Gruselgschichte im French Quarter ghört. En spate Znacht hemmer denn au na gha.

Mis Zimmer :D

Am nächste Tag hemmer e Walking Tour gmacht im Garden Distrikt. Es isch mega schön grüen gsi. s Wetter isch eich au guet gsi, z wüsched dure hets echli gregnet und drum isches ziemlich füecht gsi.

De Sandra Bullok ihres Huus

Suscht hemmer in New Orleans selber namal e Walking Tour gmacht und hend eifach selber nachli umegluegt. Am Zistig simmer na i Museums und so gange. Ich han die ganz Ziit so viel gesse, das isch unglaublich. Aber es isch au mega guet gsi.

I eim vo dene vielne Vodoo shops hanni mer na mini Zuekunft sege lah (Hand lese und Karte). Und aso wenn das alles stimmt denn wird alles guet :D haha aber isch echt luschtig gsi :)

         

Am Mittwuch hemmer denn oises Hus verlah, es Auto gmietet und sind echli usserhalb gfahre, wommer e Plantage go aluege sind. Isch na recht spannend gsi.

              

Das Hotel da het leider recht chlini Bett gha :P 

Am Nächste Tag hemmer e Swamp Tour gmacht und es paar Alligatore gse :D

 

Mer hend immer viel Spass gha und umeblödlet :P

Und denn hemmer au scho wieder richtig Hei müesse. Dasmal ischs im Zug mega hammer gsi, willmer vom Panaramo Wage us sogar het möge Alligatore gseh :D

Am Samstig simmer namal chli in Chicago gsi und uf de Sears Tower und nachli meh umegloffe :P

             

Die letzt Wuche hanni mini erste Tennis Match gha. Das isch ziemlich interessant gsi, aber es macht voll Spass :)) Ich han au na e anderi Ustuschschüelerin us Zür kenneglehrt und es isch mega luschtig gsi.



















Jetzt hanni ja scho wieder Ferie, will morn gahts ab uf Chicago und ich triff mini Familie :) Ich froi mich sooooooo unglaublich :DD